ຄະນະກຳມາທິການ ເພື່ອແມ່ ແລະ ເດັກພະແນກໂຍທາທິການ ຈັດພິທີມອບຮັບອຸປະກອນການຮຽນໃຫ້ລູກພະນັກງານ ໃນສົກຮຽນໃໝ່ 2015 – 2016 ທີ່ແຂວງ ສາລະວັນ

ໃນຄັ້ງວັນທີ 27 / 08 / 2015 ທີ່ຜ່ານມານີ້ ຄະນະກຳມະການ ເພື່ອແມ່ ແລະ ເດັກພະແນກໂຍທາທິການ ແລະ ຂົນສົ່ງ ໄດ້ຈັດພິທີມອບ – ຮັບອຸປະກອນການຮຽນໃຫ້ລູກພະນັກງານເນື່ອງໃນໂອກາດເປີດຮຽນໃໜ່ 2015–2016 ຢ່າງຄຶກຄື້ນມ່ວນຊື່ນ. ພິທີຄັ້ງນີ້ ພາຍໃຕ້ການເປັນປະທານຂອງ ທ່ານ ສີທະນົນໄຊ ນິນສຸລິຍະວົງ ຮອງຫົວໜ້າ ພະແນກໂຍທາທະການ ແລະ ຂົນສົ່ງ ຕາງໜ້າຄະນະກຳມາທິການ ເພື່ອແມ່ ແລະ ເດັກແຂວງ ສາລະວັນ ໃຫ້ກຽດເຂົ້າຮ່ວມຂອງ ທ່ານ ນາງ ຄຳສະຫັວນ ຄຳໂຄສີ ຫົວໜ້າໜ່ວຍງານສົ່ງເສີມຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ພະແນກໂຍທາທິການ ແລະ ຂົນສົ່ງແຂວງ ສາລະວັນ. ສິ່ງຂອງທີ່ນຳມາມອບ ໃນຄັ້ງນີ້ ປະກອບມີດັ່ງນີ້: ປຶ້ມ, ບິກ, ກະເປົ໋າ, ນໍ້າດື່ມ, ນົມ ລວມມູນຄ່າ 6.000.000 ກີບ, ໃນພິທີມອບຄັ້ງນີ້ ມີນ້ອງນ້ອຍນັກຮຽນປະຖົມ, ມັດທະຍົມ ແລະ ພະນັກງານພະແນກໂຍທາທິການ ແລະ ຂົນສົ່ງແຂວງ ສາລະວັນ ເຂົ້າຮ່ວມ ຈຳນວນ 65 ສະຫາຍ, ຍິງ 35 ສະຫາຍ.
ຈຸດປະສົງໃນການຈັດພິທີມອບ – ຮັບ ອຸປະກອນການຮຽນໃຫ້ແກ່ລູກຫຼານນີ້ ເພື່ອເປັນການຊຸກຍູ້ສົ່ງເສີມລູກຫຼານໃນການເອົາໃຈໃສ່ຄົ້ນຄ້ວາຮໍ່າຮຽນໃຫ້ເກີດຜົນສຳເລັດໃນຕໍ່ໜ້າ.