ກອງ​ປະ​ຊູມ​ຄະ​ນະ​ຜູ້​ແທນ​​ຄະ​ນະ​ຊີ້​ນຳ​ວຽກ​ງານ​ຊາຍ​ແດນ​ລາວ-ຫວຽດນາມ (ແຂວງ​ສາ​ລະ​ວັນ ກັບ ແຂວງ​ເທືອ​ທຽນ​ເຫວ້)

ປະຕິບັດ​ຕາມ​ເນື້ອ​ໃນ​ຈິດ​ໃຈ ບົດ​ບັນທຶກ​ການ​ພົບ​ປະ ລະຫວ່າງ ຄະນະ​ຜູ້​ແທນ​ຂັ້ນ​ສູງ​ ​ແຂວງ​ສາລະ​ວັນ ສປປ ລາວ ກັບ ​ແຂວງ​ເທືອ​ທຽນ​ເຫວ້ ສສ ຫວຽດນາມ ​ໃນ​ຄັ້ງ​ວັນ​ທີ 20 ມັງກອນ 2015 ທີ່​ຜ່ານ​ມາ. ເວລາ 9:00 ​ໂມງ ຂອງ​ວັນ​ທີ 8 ​ເມສາ 2015 ຢູ່​ທີ່​ຫ້ອງ​ປະຊຸມ​ຊັ້ນ III ຫ້ອງ​ວ່າການ​ປົກຄອງ​ແຂວງ​ສາລະ​ວັນ ​ໄດ້​ຈັດ​ກອງ​ປະຊຸມ​ຄະ​ນະ​ຜູ້​ແທນ​ຄະນະ​ຊີ້​ນຳ​ວຽກງານ​ຊາຍ​ແດນ​ ລາວ-ຫວຽດນາມ (​ແຂວງ​ສາລະ​ວັນ, ສປປ ລາວ ກັບ ​ແຂວງ​ເທືອ​ທຽນ​ເຫວ້ ສສ ຫວຽດນາມ) ຂຶ້ນ. ຄະນະ​ຜູ້​ແທນ​ຊີ້​ນຳ​ວຽກງານ​ຊາຍ​ແດນ​ແຂວງ​ສາລະ​ວັນ ນຳ​ໂດຍ ທ່ານ ສົມ​ເລັດ ຈູ​ລະ​ມະນີ ຫົວໜ້າຫ້ອງ​ວ່າການ​ປົກຄອງ​ແຂວງ​ສາລະ​ວັນ ​ແລະ ຄະນະ​ຜູ້​ແທນ​ຊີ້​ນຳ​ວຽກງານ​ຊາຍ​ແດນ​ແຂວງ​ເທືອ​ທຽນ​ເຫວ້ ນຳ​ໂດຍ ທ່ານ ຮ່ວງ​ງັອກ​ແຄັງ ຫົວໜ້າຫ້ອງ​ວ່າການ​ຄະນະ​ກຳມະການ​ປົກຄອງ​ແຂວງ​ເທືອ​ທຽນ​ເຫວ້; ມີ​ຄະນະ​ຜູ້​ແທນ, ພະນັກງານ, ທະຫານ, ຕຳຫຼວດ ທີ່​ກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ ຈຳນວນ 33 ທ່ານ,​ ຍິງ 1 ທ່ານ.

ກອງ​ປະຊຸມ​ຄັ້ງ​ນີ້​ຜູ້​ແທນ​ທັງ​ສອງ​ຝ່າຍ ​ໄດ້​ຮ່ວມ​ປຶກສາ​ຫາລື ​ແລກປ່ຽນຄຳ​ຄິດ​ຄຳ​ເຫັນ ​ໂດຍ​ໄດ້​ຕີ​ລາຄາ​ຄືນ​ຜົນ ສຳ​ເລັດ ​ແລະ ຂໍ້ຄົງຄ້າງ ​ໃນການ​ຮ່ວມມື​ກັນ​ຈັດ​ຕັ້ງ​ປະຕິບັດ​ວຽກງານ​ຊາຍ​ແດນ​ໃນ​ໄລຍະ​ຜ່ານ​ມາ ​ເປັນ​ຕົ້ນ: ວຽກງານ​ຄຸ້ມ​ຄອງ​ຊາຍ​ແດນ; ວຽກງານ​ປັກຫຼັກໝາຍຖີ່ ​ແລະ ບູລະນະ​ລະບົບຫຼັກໝາຍຊາຍ​ແດນ​ແຫ່ງ​ຊາດ; ວຽກງານ​ການຈັດ​ຕັ້ງ​ປະຕິບັດຂໍ້ຕົກລົງຂອງສອງລັດ ຖະບານ ກ່ຽວກັບ​ການ​ແກ້​ໄຂ​ຜູ້​ຍົກຍ້າຍຕັ້ງ​ພູມລຳ​ເນົາ​ຕາມ​ລຳພັງ​ໃຈ ​ແລະ ສ້າງ​ຄອບ​ຄົວ​ບໍ່​ຖືກ​ລະບຽບຢູ່​ຕາມ​ບໍລິ​ເວນ​ຊາຍ​​ແດນ; ວຽກງານ​ຮ່ວມ​ມື​ພັດທະນາ​ເສດຖະກິດ​ ການ​ຄ້າ​ ບໍລິ​ເວນ​ຊາຍ​ແດນ, ດ່ານ​ຊາຍ​ແດນ, ການ​ຄຸ້ມ​ຄອງ​ດ່ານ ​ແລະ ບັນຫາ​ອື່ນໆອີກ​ຈຳນວນໜຶ່ງ.

ພ້ອມ​ກັນ​ນັ້ນ; ກອງ​ປະຊຸມ​ກໍ່​ຍັງ​ໄດ້​ສຶບຕໍ່​ປຶກສາ​ຫາລື​ວາງ​ທິດ​ທາງ​ແຜນການ ​ແລະ ລົງ​ນາມ​ຮ່ວມ​ກັນ ​ໃນ​ການ ຈັດ​ຕັ້ງ​ປະຕິບັດ​ວຽກງານ​ໃນ​ຊຸມ​ປີ​ຕໍ່ໜ້າ