ກອງເລຂາຄະນະກຳມາທິການເພື່ອແມ່ ແລະ ເດັກແຂວງ ສາລະວັນເຂົ້າຮ່ວມກອງປະຊຸມເຊື່ອມຊຶມແຜນດຳເນີນງານແຫ່ງຊາດເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ເດັກໃນ ສປປ ລາວ

ວັນ​ທີ 12 ມີ​ຖຸນາ 2015 ທີ່​ຜ່ານ​ມາ​ນີ້ກອງ​ເລຂາ​ຄະນະ​ກຳມາ​ທິການ​ເພື່ອ​ຄວາມ​ກ້າວໜ້າຂອງ​ແມ່ຍິງ, ວຽກ​ແມ່ ​ແລະ ​ເດັກ​ແຂວງສາລະ​ວັນ ​ໄດ້ເຂົ້າ​ຮ່ວມ​ກອງ​ປະຊຸມ​ເຊື່ອມ​ຊຶມ​ແຜນ​ດຳ​ເນີນ​ງານ​ແຫ່ງ​ຊາດ​ ເພື່ອ​ປ້ອງ​ກັນ ​ແລະລຶບລ້າງ​ຄວາມ​ຮຸນ​ແຮງ​ຕໍ່​ເດັກ​ໃນສປປລາວ(2014-2020) ຢູ່​ທີ່​ຫ້ອງ​ປະຊຸມ​ຂອງຫ້ອງ​ວ່າການ​ປົກຄອງ​ແຂວງສະຫວັນ​ນະ​ເຂດມີ​ຜູ້​ເຂົ້າ​ຮ່ວມ​ຈຳນວນ 75 ທ່ານ, ຍິງ 44 ທ່ານທີ່​ມາ​ຈາກ 8 ​ແຂວງ ​ແລະ 6 ກະຊວງ​ຄື: ​ແຂວງສະຫວັນ​ນະ​ເຂດ, ​ແຂວງຊຽງຂວາງ, ​ແຂວງຫຼວງ​ນ້ຳ​ທາ, ​ແຂວງຈຳປາ​ສັກ, ​ແຂວງສາລະ​ວັນ, ​ແຂວງ​ເຊ​ກອງ, ແຂວງອັດ​ຕະປື, ນະຄອນຫຼວງ​ວຽງຈັນ ​ແລະກະຊວງກະສິກຳ-ປ່າ​ໄມ້, ກະຊວງ​ແຮງ​ງານ​ສະຫວັດດີ​ການ-ສັງຄົມ, ກະຊວງ​ຖະ​ແຫຼ​ງຂ່າວວັດທະນະທຳ ​ແລະທ່ອງ​ທ່ຽວ, ກະຊວງ​ສຶກສາ​ທິການ ​ແລະ ກິລາ, ກະຊວງ​ສາທາລະນະ​ສຸກ, ກະຊວງ​ຍຸຕິ​ທຳ.
ກອງ​ປະຊຸມ​ເຊື່ອມ​ຊຶມຄັ້ງ​ນີ້ ​ໃຫ້ກຽດ​ເປັນ​ປະທານ​ຂອງ ​ທ່ານ ​ໄກສອນຂຸນ​ລາດ​ສຸວັນນະ​ວົງຮອງ​ເຈົ້າ​ແຂວງ-​ປະທານ​ຄະນະ​ກຳມາ​ທິການ​ເພື່ອ​ຄວາມ​ກ້າວໜ້າຂອງ​ແມ່ຍິງ, ວຽກ​ແມ່ ​ແລະ ​ເດັກ​ແຂວງສະຫວັນ​ນະ​ເຂດ ​ແລະທ່ານນາງຈົງ​ຈິດຈັນທະ​ລາ​ນົນຮັກສາ​ການ​ຫົວໜ້າກອງ​ເລຂາ​ຄະນະ​ກຳມາ​ທິການ​ເພື່ອ​ແມ່ ​ແລະ ​ເດັກ​ແຫ່ງ​ຊາດ. ​
ກອງ​ປະຊຸມ​ໄດ້​ຮັບ​ຟັງ​ການ​ລາຍ​ງານ​ແຜນ​ດຳ​ເນີນ​ງານ​ແຫ່ງ​ຊາດ​ ເພື່ອ​ປ້ອງ​ກັນ ​ແລະ ລຶບລ້າງ​ຄວາມ​ຮຸນ​ແຮງ​ຕໍ່​ເດັກ​ໃນ ສປປ ລາວ (2014-2020) ຈາກ​ກອງ​ເລຂາຄມດຊ; ຮັບ​ຟັງ​ການ​ນຳ​ສະ​ເໜີຂໍ້​ມູນ​ເບື້ອງ​ຕົ້ນ​ກ່ຽວກັບ​ຜົນສຳ​ຫຼວດຄວາມ​ຮຸນ​ແຮງ​ຕໍ່​ເດັກ​ໃນສປປລາວ, ບັນດາ​ບົດຮຽນຂອງ​ພາກ​ພື້ນ ​ແລະສາກົນ ​ໃນ​ການ​ປ້ອງ​ກັນ ​ແລະລຶບລ້າງ​ຄວາມ​ຮຸນ​ແຮງ​ຕໍ່​ເດັກ. ຫຼັງ​ຈາກ​ນັ້ນ; ​ແຕ່​ລະ​ພາກສ່ວນ​ທີ່​ໄດ້​ສະ​ແດງ​ຄຳ​ຄິດ​ຄຳ​ເຫັນ​ແລກປ່ຽນບົດຮຽນ​ເຊິ່ງກັນ ​ແລະກັນລະຫວ່າງ 8 ​ແຂວງ , 6 ກະຊວງ ກ່ຽວກັບ​ວຽກງານ​ປົກ​ປ້​ອງ ​ແລະຫຼຸດຜ່ອນ​ການ​ໃຊ້​ຄວາມ​ຮຸນ​ແຮງ​ຕໍ່​ເດັກ, ການ​ສ້າງ​ຄອບຄົວ-ບ້ານ-​ເມືອງພັດທະນາຕິດ​ພັນ​ກັບ​ການ​ປະຕິບັດ​ສິດສະ​ເໝີພາບ​ລະຫວ່າງ​ຍິງ-ຊາຍ ​ແລະປາສະຈາກ​ການ​ໃຊ້​ຄວາມ​ຮຸນ​ແຮງ​ຕໍ່​ເດັກ.