ກອງປະຊຸມໃຫ່ຍຜູ້ແທນ ຄັ້ງທີ VI ຂອງສະຫະພັນກໍາມະບານແຂວງ ສາລະວັນ

ກອງປະຊຸມໃຫ່ຍຄັ້ງທີ VI ຂອງສະຫະພັນກໍາມະບານແຂວງສາລະວັນ ໄດ້ໄຂຂື້ນໃນລະຫ່ວາງວັນທີ 21-22 ພຶດສະພາ 2015 ທີ່ ຫ້ອງປະຊຸມຂອງເມືອງສາລະວັນ.

​ໃຫ້ກຽດ​ເຂົ້າ​ຮ່ວມ ​ແລະ ເປັນປະທານຂອງ ສະຫາຍ ບົວທອງ ຄຸນຍອດປັນຍາ ຮອງເລຂາພັກ ແຂວງ, ຫົວໜ້າຄະນະ​ຈັດ​ຕັ້ງ​ແຂວງ ສາລະວັນ; ມີ ສະຫາຍ ຕົງເຢຢາງ ຢົ່ງເຊັງ ຮອງປະທານສູນກາງ​ກຳມະບານລາວ; ມີບັນດາແຂກຖືກເຊີນຈາກສະຫະພັນກຳມະບານ 6 ແຂວງ ພາກກາງ ແລະ ພາກ​ໃຕ້, ບັນດາຄະນະພັກ, ຄະນະພະແນກ ແລະ ຜູ້ແທນສົມບູນໃນ ທົ່ວແຂວງ ສາລະວັນ ເຂົ້າຮ່ວມທັງໜົດ 209 ສະຫາຍ ຍິງ 37 ສະຫາຍ, ມີ​ຜູ້​ແທນ​ສົມບູນ 137 ສະຫາຍ ຍິງ 32 ສະຫາຍ ມາ​ຈາກ​ພະ​ແນ​ກການ​ອ້ອມ​ຂ້າງ​ແຂວງ, ອົງການ​ທຽບ​ເທົ່າ 85 ສະຫາຍ, ​ເມືອງ ທ້ອງ​ຖິ່ນ ​ແລະ ຮາກ​ຖານ​ບ້ານ 86 ສະຫາຍ ທີ່​ເປັນ​ຕົວ​ແທນ​ໃຫ້​ແກ່​ສະມາຊິກ​ກຳມະບານ​ໃນ​ທົ່ວ​ແຂວງ ຈຳນວນ 20.198 ສະຫາຍ.

ກອງປະຊຸມໄດ້ດຳເນີນເປັນເວລາ 2 ວັນເຕັມ ເຊິ່ງຜູ້​ແທນ​ທີ່​ເຂົ້າ​ຮ່ວມ​ກອງ​ປະຊຸມໄດ້ພ້ອມກັນຄົ້ນຄ້ວາ, ປະກອບຄຳຄິດ-ຄຳເຫັນ ດ້ວຍ​ຄວາມ​ຮັບຜິດຊອບ​ສູງ​ຕໍ່​ຮ່າງ​ລາຍ​ງານ​ການ​ເມືອງ ທັງ 2 ພາກ. ກອງ​ປະຊຸມ​ໄດ້​ເຫັນ​ດີ​ເປັນ​ເອກະ​ພາບ ​ແລະ ຕົກລົງຮັບຮອງເອົາ ບັນດາ​ເນື້ອ​ໃນສຳຄັນຕ່າງໆດັ່ງນີ້:

ກອງປະຊຸມໄດ້ເປັນເອກະສັນຮັບຮອງ​ເອົາ​ບົດ​ລາຍງານການເມືອງ ​ແລະ ບົດ​ສຳຫຼວດການ​ນຳພາ ຂອງຄະນະບໍລິ ຫານງານສະຫະພັນ ກຳມະບານແຂວງ ທີ່ໄດ້ຕີລາຄາຜົນງານ ແລະ ໄຊຊະນະ ໃນການປະຕີບັດມະຕິກອງປະຊຸມໃຫ່ຍຄັ້ງທີ V ຂອງ​ຕົນ​ໃນ​ໄລຍະຜ່ານມາ. ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ​ແລະ ກອງປະຊຸມໄດ້ກຳນົດແຈ້ງກ່ຽວກັບທິດທາງ ໜ້າທີ່ 5 ປີ ຕໍ່ໜ້າ (2015-2020) ໂດຍອີງຕາມແຜນພັດທະນາເສດຖະກິດ-ສັງຄົມຂອງແຂວງພວກເຮົາໄດ້ຖືສຳຄັນ ພິເສດໃນການ ປັບປຸງລະບົບການຈັດຕັ້ງກຳມະບານຂັ້ນຕ່າງໆໃຫ້ກ້າວຂື້ນຢ່າງບໍ່ຢຸດຢັ້ງ.

ກອງປະຊຸມໄດ້ຍ້ອງຍໍບຸກຄົນທີ່ມີຜົນງານດີເດັ່ນປະກອບສ່ວນຊ່ວຍເຫຼືອ, ຊຸກຍູ້ການເຄື່ອນ ໄຫວວຽກງານກຳມະ ບານຕະຫຼອດໄລຍະ 5 ປີ ທີ່ຜ່ານມາ.

ກອງປະຊຸມຮັບຮອງເອົາບົດສຳຫຼວດການນຳພາລວມຮອບດ້ານ ຂອງຄະນະບໍລິຫານງານສະຫະພັນກຳມະບານແຂວງຊຸດທີ V ເຊິ່ງ ຍົກໃຫ້ເຫັນຜົນງານໃນການຊີ້​ນຳໆພາ, ດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ພ້ອມທັງມອບໜ້າທີ່ ທາງດ້ານ ການເມືອງອັນສຳຄັນນີ້ ໃຫ້ກອງປະຊຸມຄັ້ງທີ VI ສືບຕໍ່ຄັດເລືອກເອົາຄະນະບໍລິ ຫານງານຊຸດໃໝ່ເພື່ອສືບຕໍ່ຊີ້ນໍາໆພາວຽກງານກຳມະ ບານໃຫ້ມີຜົນສຳເລັດດີລື່ນ​ເກົ່າ.

ເປັນເອກະສັນຮັບຮອງ ​​ເອົາ​ຜົນ​ຂອງ​ການປ່ອນບັດເລືອກຕັ້ງເອົາຄະນະບໍລິຫານງານສະຫະພັນກຳມະບານແຂວງຊຸດ ໃໜ່ (ຊຸດ​ທີ VI) ມີ​ຜູ້​​ເຂົ້າ​ຮ່ວມ​ສະໝັກຮັບ​ເລືອກ​ຕັ້ງຈຳນວນ 31 ສະຫາຍ ຍິງ 4 ສະຫາຍ. ​ໃນ​ນັ້ນ​ເລືອກ​ໄດ້ 27 ສະຫາຍ ຍິງ 4 ສະຫາຍ ​ແລະ ກອງ​ປະຊຸມ​ຄັ້ງ​ປະຖົມ​ມະລຶກ​ໄດ້​ເລືອກ​ເອົາ​ປະທານ ​ແລະ ຮອງ​ປະທານ​ສະຫະ ພັນ​ກຳມະບານ​ແຂວງສາລະ​ວັນ​ຊຸດ​ໃໝ່ ຈຳນວນ 3 ສະຫາຍ ຍິງ 0 ສະຫາຍ. ​ເຊິ່ງ​ແມ່ນ ສະຫາຍ ຄຳ​ເຫຼັກ ອິນ​ດາ​ວົງ ​ເປັນ​ປະທານ, ສະຫາຍ ສຸ​ລິດ ສີ​ລິ​ມະ​ໂນ​ທຳ ​ເປັນ​ຮອງ​ປະທານ ​ແລະ ສະຫາຍ ຄຳ​ປ່ຽນ ອັກ​ຊັງ​ຕິນ ​ເປັນ​ຮອງ​ປະທານ ທັງ​ຖືກ​ຄັດ​ເລືອກ​ໃຫ້​ເປັນ​ປະທານ​ກວດກາ. ຈາກ​ນັ້ນ; ກອງ​ປະຊຸມ​ຍັງ​ໄດ້​ປ່ອນ​ບັດ​ເລືອກ​ເອົາ​ຜູ້​ແທນ​ສົມ ບູນ 15 ສະຫາຍ, ສຳຮອງ 2 ສະຫາຍ ​ເພື່ອ​ໄປ​ຮ່ວມ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ VII ທີ່​ນະຄອນ ຫຼວງວຽງຈັນ​ນຳ​ອີກ.

ຕອນ​ທ້າຍ​ກອງ​ປະຊຸມ​ຍັງ​ໄດ້​ຮັບ​ຟັງ​ການ​​ໂອ້​ລົມຈາກ ສະຫາຍ ບົວທອງ ຄຸນ​ຍອດ​ປັນຍາ ກຳມະການປະຈຳ​ພັກ​ແຂວງ, ຫົວໜ້າຄະນະ​ຈັດ​ຕັ້ງ​ແຂວງ ​ແລະ ສະຫາຍ ຕົງ​ເຢຢາງ ຢົງ​ເຊັງ ຮອງ​ປະທານ​ສູນ​ກາງ​ກຳມະບານ. ທັງ​ສອງ​ສະຫາຍ ລ້ວນ​ແລ້ວ​ແຕ່​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່ໝາກຜົນ ​ແລະ ຜົນງານ​ ທີ່​ຄະນະ​ບໍລິຫານ​ງານສະຫະ ພັນກຳມະບານ​ແຂວງ​ສາລະ​ວັນ​ຍ າດ​ມາ​ໄດ້​ໃນ​ໄລຍະ​ຜ່ານ​ມາ. ພ້ອມ​ກັນ​ນັ້ນ; ກໍ່​ຍັງ​ໃຫ້​ທິດ​ຊີ້​ນຳ​ວຽກງານ​ບາງ​ບັນຫາ​ໃນ​ການ​ຊີ້​ນຳ-ນຳພາ​ຂອງ​ຄະນະ​ບໍລິຫານ​ງານ​ສະຫະພັນ​ກຳມະບານ​ແຂວງ​ຊຸດ​ໃໝ່ ​ເພື່ອ​ນຳ​ໄປ​ຈັດ​ຕັ້ງ​ປະຕິບັດໜ້າທີ່​ວຽກງານ​ໃຫ້​ມີ​ຜົນສຳ​ເລັດຫຼາຍກວ່າ​ເກົ່າ​ໃນ​ຕໍ່ໜ້າ.