ກອງປະຊຸມແລກປ່ຽນຄວາມຄິດຄວາມເຫັນ ດ້ານຍຸດທະສາດການພັດທະນາ ລະຫວ່າງ ຄະນະພັກແຂວງ ສາລະວັນ ກັບ ຄະນະໜ່ວຍງານຄົ້ນຄວ້າ ແຜນຍຸດທະສາດການພັດທະນາເສດຖະກິດແຫ່ງຊາດ

ຕອນເຊົ້າ ຂອງວັນທີ 17 ກໍລະກົດ 2015 ຢູ່ທີ່ຫ້ອງປະຊຸມ VIP ສະໂມສອນໃຫຍ່ຂອງແຂວງ ສາລະວັນ, ໄດ້ຈັດກອງປະ ຊຸມແລກປ່ຽນຄວາມຄິດຄວາມເຫັນດ້ານການພັດທະນາເຂດແຄ້ວນແບບຍືນຍົງ ຕາມທິດສັງຄົມນິຍົມ ລະຫວ່າງ ແຂວງສາ ລະວັນ ກັບ ຄະນະໜ່ວຍງານຄົ້ນຄວ້າແຜນຍຸດທະສາດການພັດທະນາເສດຖະກິດແຫ່ງຊາດ. ກອງປະຊຸມໃນຄັ້ງນີ້ ໃຫ້ ກຽດເປັນປະທານຮ່ວມກັນລະຫວ່າງ ທ່ານ ສີສຸວັນ ວົງຈອມສີ ເລຂາພັກແຂວງສາລະວັນ ແລະ ທ່ານ ບົວສອນ ບຸບຜາວັນ, ຫົວໜ້າຄະນະໜ່ວຍງານຄົ້ນຄວ້າ ແຜນຍຸດທະສາດການພັດທະນາເສດຖະ ກິດແຫ່ງຊາດ, ມີແຂກທີ່ຖືກເຊີນເຂົ້າຮ່ວມກອງປະຊຸມມາຈາກ ເມືອງ, ພະແນກການ, ອົງການອ້ອມຂ້າງແຂວງຈຳນວນ 62 ທ່ານ, ຍິງ 05 ທ່ານ ແລະ ແຂກສູນກາງ 14 ທ່ານ, ລວມທັງໝົດ 76 ທ່ານ, ຍິງ 05 ທ່ານ.
ທ່ານ ສີສຸວັນ ວົງຈອມສີ ເລຂາພັກແຂວງສາລະວັນ, ໄດ້ຂຶ້ນກ່າວຕ້ອນຮັບ ແລະ ກ່າວເປີດກອງປະຊຸມ; ຫຼັງຈາກນັ້ນ ທ່ານ ບົວສອນ ບຸບຜາວັນ, ຫົວໜ້າຄະນະໜ່ວຍງານຄົ້ນຄວ້າ ແຜນຍຸດທະສາດການພັດທະນາເສດຖະກິດ ແຫ່ງຊາດ ພ້ອມດ້ວຍຄະນະ ກໍໄດ້ແລກປ່ຽນທັດສະນະກ່ຽວກັບເສັ້ນທາງສູ່ການພັດທະນາແບບຍືນຍົງຕາມທິດສັງຄົມນິ ຍົມຢູ່ ສປປ ລາວ ເປັນຕົ້ນ: ແມ່ນຍຸດທະສາດການພັດທະນາຕາມເຂດແຄ້ວນຂອງ 4 ແຂວງພາກໃຕ້, ການກຳນົດເອົາເຂດ ຈຸດສຸມທີ່ເປັນໃຈກາງໃນການພັດທະນາຕາມເຂດແຄ້ວນ ແລະ ວິທີ ວິທະຍາໃນການຫັນປ່ຽນແຜນຍຸດທະສາດໄປສູ່ການ ຈັດຕັ້ງປະຕິບັດ ເພື່ອສ້າງຄວາມເຂົ້າໃຈກ່ຽວກັບການພັດທະນາແບບຍືນຍົງ, ວິເຄາະບາງບັນຫາກ່ຽວກັບການພັດທະນາ ຢູ່ ສປປ ລາວ ຫຼື ທັດສະນະ, ວິໄສທັດແລະເນື້ອໃນການພັດທະນາແບບຍືນຍົງຕາມທິດສັງຄົມນິຍົມຢູ່ສປປລາວ. ຈາກນັ້ນຜູ້ ເຂົ້າຮ່ວມກອງປະຊຸມກໍໄດ້ຜັດປ່ຽນກັນປະກອບຄຳຄິດຄຳເຫັນຕໍ່ກອງປະຊຸມ ເຊິ່ງເຮັດໃຫ້ກອງປະຊຸມມີບັນຍາກາດຟົດຟື້ນ, ມາຮອດເວລາ 16: 30 ໂມງ ຂອງວັນດຽວກັນຄະນະປະທານຮ່ວມກອງປະຊຸມ ກໍໄດ້ກ່າວສະຫຼຸບ ແລະ ກ່າວປິດກອງປະ ຊຸມ.