ກອງປະຊຸມເຜີຍແຜ່ ຄຳສັ່ງແນະນຳ ວຽກງານການຄັດເລືອກຜົນງານ, ການຈັດຕັ້ງປະຕິບັດວຽກງານແຂ່ງຂັນ – ຍ້ອງຍໍ ຕາມຄໍາຂວັນ ຕິດພັນກັບວຽກງານສາມສ້າງ

ໂດຍປະຕິບັດຕາມ ຄຳສັ່ງແນະນຳ ຂອງກົມການເມືອງ ສູນກາງພັກ ສະບັບ ເລກທີ 01 /​ ກມສພ, ລົງວັນທີ11 / 7/ 2013 ວ່າດວ້ຍ: ການກະກຽມ ແລະ ສະເຫຼີມສະຫຼອງວັນປະຫວັດສາດ ໃນປີ 2015.​​ ຄຳສັ່ງແນະນຳຂອງຄະນະຊີ້ນຳລະດັບຊາດ ສະບັບ ເລກທີ 01 / ຄຊພ,ສປສ, ລົງວັນທີ 18 ພະຈິກ 2014 ວ່າດວ້ຍ: ການ ສ້າງຂະບວນການແຂ່ງຂັນ ເພື່ອສະເຫຼີມສະຫຼອງສອງວັນປະຫວັດສາດ ແລະ ບົດແນະນຳຂອງຄະນະຊີ້ນຳລະດັບຊາດ ສະບັບເລກທີ 03 /ຄຊຂຍ, ລົງວັນທີ 16 ກຸມພາ 2015. ກຽ່ວກັບການຄັດເລືອກ ຜົນງານໃນການຈັດຕັ້ງປະຕິບັດວຽກ ງານແຂ່ງຂັນ-ຍ້ອງຍໍ < ຮັກຊາດ ແລະ ພັດທະນາ > ຕິດພັນກັບວຽກງານສາມສ້າງ ເພື່ອຕ້ອນຮັບສອງວັນປະຫວັດສາດ.​ ​
ບົດແນະນຳຂອງຄະນະປະຈຳພັກແຂວງສາລະວັນ ເລກທີ 01 /ຄຈພຂ.ສວ, ລົງວັນທີ 4 ກຸມພາ 2014 . ຄຳແນະນຳເລກ ທີ 05,07 ແລະ 08 ຂອງຫົວໜ້າພະແນກພາຍໃນແຂວງ ກຽ່ວກັບການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ (ຮັກຊາດ ແລະ ພັດທະນາ 2011 -2015)
ເວລາ 14:30 ໂມງ ຂອງວັນທີ 5 ພຶດສະພາ 2015 ທີ່ຫ້ອງປະຊຸມຊັ້ນ III ຫ້ອງວ່າການປົກຄອງແຂວງສາລະວັນ ໄດ້ຈັດ ກອງປະຊຸມເຜີຍແຜ່ ຄຳສັ່ງແນະນຳວຽກງານ ການຄັດເລືອກຜົນງານການຈັດຕັ້ງປະຕິບັດ ວຽກງານແຂ່ງຂັນ – ຍ້ອງຍໍ ຕາມ ຄຳຂວັນ < ຮັກຊາດ ແລະ ພັດທະນາ > ຕິດພັນກັບວຽກງານສາມສ້າງ. ເພື່ອຂຳນັບຮັບຕ້ອນສອງວັນປະຫວັດສາດ. ກອງປະຊຸມເທື່ອນີ້ໃຫ້ກຽດເປັນປະທານໂດຍ ທ່ານ ພົງໄຊ ທະບຸນສຸກ ຮອງຫົວໜ້າຫ້ອງວ່າການປົກຄອງແຂວງ ສາລະວັນ ແລະ ມີຄະນະຫ້ອງ, ຫົວໜ້າຂະແໜງ – ຮອງຫົວໜ້າຂະແໜງ ຕະຫຼອດຮອດພະນັກງານ ລັດຖະກອນ ຂອງຫ້ອງວ່າການ ເຂົ້າຮ່ວມ ຈຳນວນ 34 ທ່ານ, ຍິງ 12 ທ່ານ
ໃນນັ້ນ; ທ່ານ ປະທານກອງປະຊຸມໄດ້ຜ່ານເນື້ອໃນຈິດໃຈ ຂອງຄຳສັ່ງແນະນຳ ລວມເຖິງບັນດາມາດຕະຖານ – ເງື່ອນໄຂ ຂອງກົມກອງ ແລະ ບຸກຄົນ ທີ່ຈະຖືກຄັດເລືອກໃຫ້ເປັນກົມກອງດີເດັ່ນ ແລະ ບຸກຄົນດີເດັ່ນ ທີ່ຈະໄດ້ຮັບການຍ້ອງຍໍ ຕໍ່ ກອງປະຊຸມຮັບຊາບ. ເຮັດແນວໃດ ເພື່ອເຮັດໃຫ້ການຄັດເລືອກຜົນງານຖືກຕ້ອງຕາມຂັ້ນຕອນ ແລະ ຮັບປະກັນໃຫ້ການ ຍ້ອງຍໍຖືກຕ້ອງຕາມຜົນງານຕົວຈິງ; ເພື່ອເຮັດໃຫ້ບັນດາຕົວແບບທີ່ດີເດັ່ນ ສາມາດເສີມຂະຫຍາຍບົດ ຮຽນຂອງຕົນໃຫ້ຜູ້ອື່ນ ນຳໄປຜັນຂະຫຍາຍຢ່າງມີປະສິດທິພາບ ແລະ ມີປະສິດທິຜົນດີ; ເພື່ອຮັບປະກັນຄວາມສາມັກຄີເປັນເອກກະພາບພາຍໃນ ໝູ່ຄະນະບົນພື້ນຖານການເສີມຂະຫຍາຍປະຊາທິປະໄຕ, ຍຸຕິທຳ, ໂປ່ງໃສ ຫຼີກເວັ້ນບັນດາທັດສະນະແນວຄິດທີ່ບໍ່ຖືກ ຕ້ອງ; ເພື່ອສ້າງໃຫ້ໄດ້ບັນຍາກາດຟົດຟື້ນ ປະຕິວັດຂື້ນສູ່ໄລຍະໃໝ່ ຢ່າງແຂງແຮງ ເຮັດໃຫ້ວຽກງານແຂ່ງຂັນ-ຍ້ອງຍໍ ມີຄຸນ ນະພາບໃໝ່ ດີກວ່າເກົ່າ.