ກອງປະຊຸມເຜີຍແຜ່ເອກະສານ “ນຳພາແນວຄິດ” ກ່ຽວກັບການນຳໃຊ້ສື່ສັງຄົມອອນລາຍ (ອິນເຕີເນັດ)

ໂດຍ​ປະ​ຕິ​ບັດ​ຕາມ ແຈ້ງ​ການ​ຂອງ​ຄະ​ນະ​ໂຄ​ສະ​ນາ​ອົບ​ຮົມ​​ສູນ​ກາງ​ພັກ ສະ​ບັບ​ເລກ​ທີ 019/ຄອ​ສ​ພ, ລົງ​ວັນ​ທີ 4/12/2014 ແລະແຈ້ງ​ການ​ຂອງ​ຫ້ອງວ່າ​ການ​ປົກ​ຄອງ​ແຂວງ​ສາ​ລະ​ວັນສະ​ບັບ​ເລກ​ທີ 667/ຫ​ປ​ຂ.ສວ, ລົງ​ວັນ​ທີ 16/12/2014. ຄະ​ນະ​ໂຄ​ສະ​ນາ​ອົບ​ຮົມ​ແຂວງ​ສາ​ລະ​ວັນ ​ໄດ້​ຈັດ​ກອງ​ປະ​ຊຸມ​ຂື້ນ​ໃນ​ຕອນ​ເຊົ້າ​ຂອງວັນ​ທີ 7 ມັງ​ກອນ 2015 ຢູ່​ຫ້ອງ​ປະ​ຊຸມ​ຊັ້ນ III ຂອງ​ຫ້ອງວ່າ​ການ​ປົກ​ຄອງ​ແຂວງ.ໂດຍ​ພາຍ​​ໃຕ້ການ​ເປັນ​ປະ​ທານ​ຂອງ​ ທ່ານ ຄຳ​ຈັນ ແຈ່ມ​ສະ​ໜອນ ກຳ​ມະ​ການ​ປະ​ຈຳ​ພັກ​ແຂວງ ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ,​ ເຊິ່ງຜູ້​ເຂົ້າ​ຮ່ວມ​ຈາກ​ພະ​ແນກ​ການ, ອົງ​ການ, ລັດ​ວິ​ສາ​ຫະ​ກິດຕ່າງໆອ​ອ້ມ​ຂ້າງ​ແຂວງ, ກອງ​ບັນຊາການ​ທະ​ຫານ​ແຂວງ ແລະປກ​ສແຂວງ​ ຈຳ​ນວນທັງໝົດ 73 ທ່ານ, ຍີງ 12 ທ່ານ.

ກອງ​ປະ​ຊູມ​ຄັ້ງນີ້ , ຈັດ​ຂື້ນ​ເພື່ອ​ເຜີຍ​ແຜ່​ເຊື່ອມຊືມເອ​ກະ​ສານ “​ນຳ​ພາ​ແນວ​ຄີດ​” ການ​ນຳ​ໃຊ້ສື່ສັງ​ຄົມ​ອອນ​ລາຍ (ອິນ​ເຕິ​ເນັດ) ສະ​ບັບ​ເລກ​ທີ 01/ຄອ​ສ​ພ, ລົງ​ວັນ​ທີ 4/12/2014. ອີງ​ຕາມ​ຄວາມ​ຮຽກ​ຮ້ອງ​ຕ້ອງ​ການ​ຕົວ​ຈິງ​ໃນ​ການ​ນຳ​ພາ​ແນວ​ຄິດກ່ຽວ​ກັບ​ສະ​ພາບກ​ານ​ນຳ​ໃຊ້​ສື່ສັງ​ຄົມ​ອອນ​ລາຍ ໃນ​ປະ​ຈຸ​ບັນ. ​ເພື່ອ​ເຮັດ​ໃຫ້​ສະ​ມາ​​ຊິກ​ພັກ, ພະ​ນັກ​ງານ​ທະ​ຫານ​, ຕຳ​ຫຼວດ, ນັກ​ຮຽນ​ຮູ້-ນັກ​ສືກ​ສາແລະຊັ້ນ​ຄົນ​ຕ່າງໆ ທົ່ວ​ສັງ​ຄົມ​ ມີ​ຄວາມ​ຮັບ​ຮູ້​ ແລະ​ເຂົ້າ​ໃຈ​ກ່ຽວ​ກັບ​ປະ​ຫັວດ​ຄວາມ​ເປັນ​ມາ, ດ້ານ​ຕັ້ງ​ໜ້າ​, ດ້ານ​ຫຍໍ້​ທໍ້ ​ຂອງ​ການ​ນຳ​ໃຊ້​ສື່​ສັງ​ຄົມ​ອອນ​ລາຍ ( ອິນ​ເຕິ​ເນັດ ) ແລະມີ​ສະ​ຕິ​ເປັນ​ເຈົ້າ​ການ​ໃນ​ການ​ນຳ​ໃຊ້​ສື່ດັ່ງ​ກ່າວ​ເຂົ້າ​ໃນ​ການ​ເຄື່ອນ​ໄຫວ​ດຳ​ລົງ​ຊີ​ວິດ​ຢ່າງ​ຖື​ກຕ້ອງ, ມີ​ສະ​ຕິ​ລະ​ວັງ​ຕົວ​ສູງ​ ຕໍ່​ກົນອຸ​ບາຍ​ຂອງ​ອິດທິ​ກຳ​ລັງ​ປໍ​ລະ​ປັກແລະພວກ​ຄົນ​ບໍ່​ດີ​ທີ່​​ສວຍ​ໃຊ້​ສື່ສັງ​ຄົມ​ອອນ​ລາຍ ( ​ອິນ​ເຕີ​ເນັດ ) ສ້າງ​ຄວາມ​ປັນ​ປ່ວນ​ໃນ​ສັງ​ຄົມ, ໂຄ​ສະ​ນາ​ບິດ​ເບືອນ​ໃສ່​ຮ້າຍ​ປ້າຍ​ສີ, ຕົວະ​ຍົວະ​ຫຼ​ອ​ກລວງແລະ ສ້າງ​ຄວາມ​ແບ່ງ​ແຍກ​ລະ​ຫວ່າງ​ພັກ-ລັດແລະປະ​ຊາ​ຊົນ​ບັນ​ດາ​ເຜົ່າ, ປົກ​ປັກ​ຮັກ​ສາ​ສະ​ຖຽນ​ລະ​ພາບ​ທາງ​ດ້ານ​ການ​ເມືອງແລະຄວາມ​ສະ​ຫງົບ​ປອດ​ໄພໃນທົ່ວສັງ​ຄົມ.