ກອງປະຊຸມພົບປະພະນັກງານອາວຸໂສ ແລະ ພະນັກງານຫຼັກແຫຼ່ງ ເນື່ອງໃນໂອກາດວັນສະຖາປານາ ສປປ ລາວ ຄົບຮອບ 40 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 95 ປີ

ຕອນເຊົ້າເວລາ 8:30 ໂມງ ຂອງວັນທີ 8 ທັນວາ 2015 ຢູ່ທີ່ສະໂມສອນໃຫ່ຍຂອງແຂວງຫ້ອງ VIP ໄດ້ຈັດກອງປະຊຸມພົບປະພະນັກງານອາວຸໂສ ແລະ ພະນັກງານຫຼັກແຫຼ່ງເນື່ອງໃນໂອກາດວັນສະຖາປານາ ສປປ ລາວ ຄົບຮອບ 40 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວີຫານ ຄົບຮອບ 95 ປີ ໂດຍໃຫ້ກຽດເປັນປະທານຂອງ ທ່ານ ສີສູວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ. ທ່ານຍັງໄດ້ກ່າວຄໍາຍ້ອງຍໍຊົມເຊີຍຕໍ່ຜົນງານທີ່ພະນັກງານອາວຸໂສແລະພະນັກ ງານຫຼັກແຫຼ່ງຍາດມາໄດ້; ຂ້າພະເຈົ້າໃນນາມຄະນະພັກ – ອໍານາດການປົກຄອງແຂວງມີຄວາມຍິນດີ ແລະ ເປັນກຽດຢ່າງສູງທີ່ໄດ້ຕ້ອນຮັບບັນດາທ່ານວິລະຊົນແຫ່ງຊາດພະນັກງານປະຕິວັດອາວຸໂສບຳນານ, ຜູ້ທີ່ມີຜົນງານອັນໃຫ່ຍຫຼວງໃນພາລະກິດປົດປ່ອຍປະເທດຊາດເຊິ່ງຜົນງານ ແລະ ໄຊຊະນະດັ່ງກ່າວນີ້ ຄະ ນະພັກອໍານາດການປົກຄອງແຂວງ, ຕະຫຼອດຮອດພໍ່ແມ່ປະຊາຊົນບັນດາເຜົ່າໄດ້ຈາລືກ ແລະ ຈົດຈໍາຄຸນງາມຄວາມດີຂອງບັນດາທ່ານໄວ້ໃນດວງໃຈຕະຫຼອດມາ ໃນໄລຍະ 40 ປີ. ຜ່ານມາແຂວງສາລະວັນພວກເຮົາ ກໍໄດ້ສືບທອດພາລະກິດອັນມີກຽດສະຫງ່າຂອງຊາດ ແລະ ຂອງການປະຕິວັດ ເຕົ້າໂຮມຄວາມສາມັກຄີເປັນປືກແຜ່ນແໜ້ນໜາ ແລະ ເປັນອັນໜື່ງອັນດຽວພາຍໃຕ້ການນໍາພາຂອງພັກ ກໍຄື: ຄະນະບໍລິຫານງານພັກແຂວງ ເຊີ່ງໄດ້ນໍາພາແຂວງສາລະວັນກ້າວຂຶ້ນຢ່າງບໍ່ຢຸດຢັ້ງ.

ຕອນທ້າຍ ທ່ານ ສີສູວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ກໍໄດ້ມອບກະຕ່າດອກໄມ້ ພ້ອມດ້ວຍສິ່ງລະລຶກໃຫ້ແຕ່ລະທ່ານພະນັກງານການນຳອາວຸໂສ ເພື່ອເປັນຂອງຂວັນ, ມາຮອດເວລາ 11 : 30 ໂມງ ກອງປະຊຸມກໍສີນສຸດລົງ.