ກອງປະຊຸມປະຈຳປີ 2014 ຄະນະກຳມະການຊາຍແດນ ລາວ – ຫວຽດນາມ (ແຂວງສາລະວັນ ສປປ ລາວ ກັບ ແຂວງກວາງຈິ້ ສສ ຫວຽດນາມ)

ຕອນ​ເຊົ້​າ​ຂອງວັນ​ທີ 26 ມັງ​ກອນ 2015 ຜ່ານ​ມານີ້ຢູ່ທີ່​ຫ້ອງ​ປະ​ຊຸມ​ ຂອງ​ຫ້ອງວ່າ​ການ​ປົກ​ຄອງ​ເມືອງ​ສະ​ໝ້ວຍ​ແຂວງສາ​ລະ​ວັນ ໄດ້​ຈັດ​ກອງ​ປະ​ຊຸມ​ຄະ​ນະກຳ​ມະ​ການ​ຊາຍ​ແດນ ລາວ – ຫວຽດ​ນາມ (​ແຂວງສາ​ລະ​ວັນສ​ປ​ປລາວ – ​ແຂວງກວາງ​ຈິ້ ສ​ສ ຫວຽດ​ນາມ) ຂຶ້ນ, ເຂົ້າ​ຮ່ວມ​ກອງ​ປະ​ຊຸມ​ຄັ້ງ​ນີ້ໂດຍ​ແມ່ນ​ ທ່ານສີ​ສຸ​ວັນ ວົງ​ຈອມ​ສີ ຄະ​ນະ​ປະ​ຈຳ​ພັກ​ແຂວງ, ຮອງ​ເຈົ້າ​ແຂວງ, ຫົວ​ໜ້າ​ຄະ​ນະ​ຊີ້​ນຳ​ວຽກ​ງານ​ຊາຍ​ແດນ ແລະ ປັກຫຼັກ​ໝາຍ​ຊາຍ​ແດນ​ແຂວງສາ​ລະ​ວັນ ແລະ ທ່ານ ຫງວຽນກວານ ຈິ໋ນ ຮອງ​ປະ​ທ​ານ​ກຳ​ມະ​ການ​ປົກ​ຄອງ​ປະ​ຊາ​ຊົນ​ແຂວງ, ຫົວ​ໜ້າ​ຄະ​ນະ​ຊີ້​ນຳ​ວຽກ​ງານ​ຊາຍ​ແດນ ແລະ ປັກຫຼັກ​ໝາຍ​ຊາຍ​ແດນ​ແຂວງກວາງ​ຈິ້ ສ​ສ ຫວຽດ​ນາມ. ເຊິ່ງ​ມີຄະ​ນະ​ຜູ້​ແທນ, ​​ພະ​ນັກ​ງານ, ​ທະ​ຫານ​, ຕ່ຳຫຼວດ ທັງ​ສອງ​ຝ່າຍ​ເຂົ້າ​ຮ່ວມ​ຈຳ​ນວນ 27 ທ່ານ, ຍິງ 1 ທ່ານ.

ກອງ​ປະ​ຊຸມຄັ້ງ​ນີ້ ຜູ້​ແທນ​ທັງ​ສອງ​ຝ່າຍ​ ກໍ່ໄດ້​ຮ່ວມ​ກັນ​ປຶກ​ສາ​ຫາ​ລືແລກ​ປ່ຽນ​ຄຳ​ຄິດ​ຄຳ​ເຫັນເ​ຊິ່ງ​ກັນແລະກັນ ​ໂດຍ​ໄດ້​ທົບ​ທວນ​ຄືນ​ເຖິງ​ບັນ​ດາ​ຜົນ​ສຳ​ເລັດ ແລະຂໍ້​ຄົງ​ຄ້າງ​ໃນ​ການ​ຮ່ວມ​ມື​ລະ​ຫວ່າງ 2 ແຂວງສາ​ລະ​ວັນ ກັບ ແຂວງກວາງ​ຈິ້ ໃນ​ປີ​ທີ່​ຜ່ານ​ມາ ເປັ​ນ​ຕົ້ນ:ວຽກ​ງານປັກ​ຫຼັກ​ໝາຍ​ຊ​າຍ​ແດນ, ບັນ​ຫາ​ຢາ​ເສບ​ຕິດ, ການ​ເຄື່ອນ​ໄຫວ​ຄ້າ​-ຂາຍ​ເຖື່ອນ​ຕາມ​ບໍ​ລິ​ເວນ​ຊາຍ​ແດນ ແລະ ການ​ເຄື່ອນ​ໄຫວ​ລັກ​ລອບ​ເຂົ້າ – ​ອອກ​ເມືອງ​ທີ່​ຜິດ​ກົດ​ໝາຍ​, ການ​ລັກ​ລອບ​ຂຸດ​ຄົ້ນ​ຊັບ​ພະ​ຍາ​ກອນ​ທຳ​ມະ​ຊາດ​ ຕາມ​ບໍ​ລິ​ເວນ​ຊາຍ​ແດນ, ການ​ສ້າງ​ຄອບ​ຄົວ​ລະ​ຫວ່າງ​ຄົນ​ລາວ​ ກັບ ​ຄົນ​ຫວຽດນາມ ທີ່ບໍ່​ຖືກ​ຕ້ອງ​ຕາມ​ລະ​ບຽບ​ກົດ​ໝາຍ ແລະ ບັນ​ຫາ​ອື່ນໆ​ອີກ​ຈຳ​ນວນ​ໜຶ່ງ. ນອກ​ຈາກນັ້ນ; ກອງ​ປະ​ຊຸມກໍ່​​ຍັງໄດ້ສືບ​ຕໍ່​ປຶກ​ສາ​ຫາ​ລື​ວາງທິດ​ທາງ​ແຜນ​​ການ ແລະ​ລົງ​ນາມ​ຮ່ວມ​ກັນໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ໃນ​ປີ​ຕໍ່​ໜ້າ.
ກອງ​ປະ​ຊຸມ​ ດຳເນີນ​ໃຊ້​ເວ​ລາ 1 ຄາບ​ເຕັມ​ ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ.