ກອງປະຊຸມປະກາດຍົກຍ້າຍພະນັກງານ ຫ້ອງວ່າການປົກຄອງແຂວງໄປຮັບໜ້າທີ່ໃໝ່ຢູ່ກົມກອງອື່ນ

ຕອນ​ບ່າຍ​ຂອງ​ວັນ​ທີ 30 ທັນວາ 2014 ທີ່​ຜ່າ​ນມາ​ນີ້ຫ້ອງ​ວ່າ​ການ​ປົກຄອງ​ແຂວງ​ສາລະ​ວັນ ​ໄດ້​ຈັດ​ກອງ​ປະຊຸມ​ຂຶ້ນ​ທີ່​ຫ້ອງ​ປະຊຸມ​ຊັ້ນ III ຫ້ອງ​ວ່າການ​ປົກ ຄອງ​ແຂວງ ​ເພື່ອ​ປະກາດ​ລາຍ​ຊື່​ພະນັກງານ​ຂອງ​ຫ້ອງ​ວ່າການ​ປົກຄອງ​ແຂວງ​ສາລະ​ວັນ ຜູ້​ທີ່​ຈະ​ໄປ​ຮັບໜ້າທີ່​ໃໝ່ຢູ່​ພະ​ແນ​ກການ ​ແລະ​ກົມ​ກອງ​ອື່ນ. ​ໂດຍ​ໃຫ້ກຽດ​ເປັນ​ປະທານ​ກອງ​ປະຊຸມ​ຄັ້ງ​ນີ້​ແມ່ນ ສະຫາຍ ສົມ​ເລັດ ຈູ​ລະ​ມະນີ ກຳມະການ​ພັກ​ແຂວງ, ຫົວໜ້າຫ້ອງ​ວ່າການ​ປົກຄອງ​ຂວງ​ສາລະ​ວັນ. ​ເຊິ່ງມີ​ຜູ້​ເຂົ້າ​ຮ່ວມມາ​ຈາກ​ພະ​ແນ​ກການ, ຫ້ອງ​ການອ້ອມ​ຂ້າງ​ໃນ​ສັງກັດ ​ແລະ​ ພະນັກງານ​ລັດຖະກອນ​ທົ່ວ​ຫ້ອງ​ວ່າການ​ເຂົ້າ​ຮ່ວມ​ເປັນຈຳນວນຫຼວງຫຼາຍ.ຜູ້​ທີ່​ໄປ​ຮັບໜ້າທີ່​ໃໝ່​ໃນ​ເທື່ອ​ນີ້​ມີ 2 ສະຫາຍຄື: ສະຫາຍ ຈັນ​ເພັງ ສາຍ​ທຳ​ມະ​ວົງ ຮອງ​ຫົວໜ້າຂະ​ແໜງຄົ້ນຄວ້າ-ສັງ​ລວມວຽກລັດ ​​ໄປ​ຊ່ວຍ​ກະກຽມກອງ​ປະຊຸມ​ໃຫຍ່​ຂອງ​ຄະນະ​ບໍລິຫານ​ງານ​ຊາວໜຸ່ມ​ແຂວງ ​ແລະ ສະຫາຍ ນາງວາດ​ສະໜາ ​ໂພ​ໄຊ​ຍະ​ວົງ ຫົວໜ້າຂະ​ແໜງ​ເລຂາ​ການ​ນຳ ​ໄປ​ຊ່ວຍ​ກະກຽມກອງ​ປະຊຸມ​ໃຫຍ່ຢູ່​ສະຫະພັນ​ແມ່ຍິງ​ແຂວງ​ສາລະ​ວັນ.

ກອງ​ປະຊຸມ​​ໄດ້​ຄົ້ນຄວ້າ,​ ປຶກສາ​ຫາລື, ປະກອບ​ຄຳ​ຄິດ​ຄຳ​ເຫັນ​ຊ່ວຍ​ເຫຼືອ​ເຊິ່ງກັນ ​ແລະ​ກັນ ດ້ວຍບັນຍາກາດ ​ຟົດ​ຟຶ້ນ ​ແລະ ​ຕອນ​ທ້າຍ​ກອງ​ປະຊຸມ​ຍັງ​ໄດ້​ຮັບ​ຟັງ ຄຳ​ໂອ້​ລົມຈາກ​ ສະຫາຍ ສົມ​ເລັດ ຈູ​ລະ​ມະນີ ກຳມະການ​ພັກ​ແຂວງ, ຫົວໜ້າຫ້ອງ​ວ່າການ​ປົກຄອງ​ແຂວງ. ​ເຊິ່ງສະຫາຍ​ໄດ້​ຊີ້​ທິດ​ເຍືອງ​ທາງ, ກ່າວ​ເຕືອນ, ບົ່ມ​ສອນ​ອ້າຍ​ນ້ອງ​ພະນັກງານລັດຖະກອນລວມທັງ​ຜູ້​ທີ່​ຈະ​ໄປ​ຮັບໜ້າທີ່​ໃໝ່ ​ແລະ​ ຜູ້​ທີ່​ຍັງ​ຢູ່ຈົ່ງ​ພ້ອມ​ກັນ​ເອົາ​ໃຈ​ໃສ່​ຕັ້ງໜ້າບຸກບືນຈັດ​ຕັ້ງ​ປະຕິບັດໜ້າທີ່​ວຽກງານ ຕາມໜ້າທີ່​ຄວາມ​ຮັບຜິດຊອບ​ຂອງ​ໃຜລາວ ດ້ວຍຄວາມຮັບຜິດຊອບສູງ ແລະ​ໃຫ້​ເກີດ​ດອກ​ອອກ​ຜົນ​ຕາມ​ລະດັບ​ຄາດໝາຍທີ່​ວາງໄວ້.