ກອງປະຊຸມຄົບຄະນະບໍລິຫານງານກຳມະບານແຂວງ ຕິດພັນກັບບັ້ນດຳເນີນຊີວິດການເມືອງ ທ້າຍສະໄໝ

ລະຫວ່າງ​ວັນ​ທີ 5-6 ກຸມພາ 2015 ນີ້, ສະຫະພັນ​ກຳ​ມະບານ​ແຂວງສາລະ​ວັນ ​ໄດ້​ຈັດ​ກອງ​ປະຊຸມ​ຄົບ​ຄະນະ​ບໍລິຫານ​ງານ ​ແລະ ບັ້ນ​ດຳ​ເນີນ​ຊີວິດ​ການ​ເມືອງ​ຂອງ​ຕົນ​ຂຶ້ນ​ຢ່າງ​ເປັນ​ທາງ​ການ. ​ເຊິ່ງ​ໃຫ້ກຽດ​ເປັນ​ປະ ທານ​ໃນ​ກອງ​ປະຊຸມ​ຄັ້ງ​ນີ້​ໂດຍ ສະຫາຍ ບົວ​ສີ ຄ່ຽມມະນີ​ຂັນ​ໄຊ ຮອງ​ເລ ຂາ​ຄະນະ​ພັກ​ແຂວງ, ປະທານ​ແນວ​ລາວ​ສ້າງ​ຊາດ​ແຂວງທັງ​ແມ່ນ​ຜູ້​ຊີ້​ນຳ​ວຽກງານ​ອົງການ​ຈັດ​ຕັ້ງ​ມະຫາຊົນ​. ກອງ​ປະຊຸມ​ຄັ້ງ​ນີ້​ມີ​​ແຂກ​ເຂົ້າຮ່ວມ ທັງໝົດຈຳ ນວນ 109 ສະຫາຍ, ຍິງ 45 ສະຫາຍ. ກອງ​ປະຊຸມ​ໄດ້ດຳ​ເນີນ​ໄປຄົບ​ຖ້ວນຕາມ​ວາລະ​ ​ແລະ ​ມີ​ບັນຍາກາດ​ຟົດ​ຟຶ້ນ. ​ເຊິ່ງຕອນ​ທ້າຍ ສະຫາຍ ບົວ​ສີ ຄ່ຽມມະນີ​ຂັນ​ໄຊ ປະທານ​ກອງ​ປະຊຸມ ກໍ່​ໄດ້​ໃຫ້ກຽດມີ​ຄຳ​ເຫັນ​ໂອ້​ລົມຕໍ່​ກອງ​ປະຊຸມ​ ​ແລະ ​ສະຫາຍກໍ່​ໄດ້​ເນັ້ນໜັກບາງ​ບັນຫາ ເພື່ອ​ໃຫ້​ສະຫະພັນ​ກຳມະບານ​​ແຕ່ລະຂັ້ນ​ສຶບຕໍ່​ເອົາ​ໃຈ​ໃສ່ບຸກ ບືນຕື່ມ ດັ່ງ​ນີ້:

​ເອົາ​ໃຈ​ໃສ່​ສຶກສາ​ອົບຮົມ​ໃຫ້​ສະມາຊິກ​ກຳມະບານ, ກຳມະກອນ ​ແລະ​ ຊາວ​ຜູ້​ອອກ​ແຮງ​ງານ​ບັນດາ​ເຜົ່າ ​​ເຂົ້າ​ໃຈ​​ ​ແລະ​ ຮັບ​ຮູ້ເຖິງແນວທາງ​ຂອງ​ພັກ, ນະ​ໂຍບາຍ ​ແລະ ​ລະບຽບກົດໝາຍຂອງ​ລັດຢ່າງ​ເລິກ​ເຊິ່ງ​ເຖິງ​ຖອງ ​ເພື່ອ​ເຮັດ​ໃຫ້​ເຂົາ​ເຈົ້າ​ເຫັນ​ໄດ້​ພາລະ​ບົດບາດ, ໜ້າທີ່​ຄວາມ​ຮັບຜິດຊອບ​ຂອງ​ຕົນ​​ເອງທີ່​ມີ​ຕໍ່​ປະ​ເທດ​ຊາດ ​ແລະ​ ຕໍ່​ປະຊາຊົນ​ໃນ​ໄລຍະ​ໃໝ່.
ສຶບຕໍ່​ປັບປຸງ ​ແລະ ​ຂະຫຍາຍ​ການຈັດ​ຕັ້ງ​ກຳມະບານ​ໃຫ້​ກວ້າງຂວາງ ​ແລະ ​ແຂງ​ແຮງ​ກວ່າ​ເກົ່າ ​ເພື່ອ​ເສີມ​ຂະຫຍາຍ​ກຳລັງ​ແຮງ​ຂອງ​ມະຫາຊົນ ​ແລະ ​ເສີມ​ຂະຫຍາຍ​ປະຊາທິປະ​ໄຕ​ໃນໝູ່ມະຫາຊົນ.
​ເອົາ​ໃຈ​ໃສ່​ເພີ່ມ​ທະວີ​ສົ່ງ​ເສີມ,​ ປົກ​ປ້ອງ​ສິດ ​ແລະ ຜົນ​ປະ​ໂຫຍ​ດ ຂອງ​ກຳມະກອນ, ຊາວ​ຜູ້​ອອກ​ແຮງ​ງານ​ລາວ​ຕາມ​ກົດໝາຍ ວ່າ​ດ້ວຍ: ​ແຮງ​ງານ ​ແລະກົດໝາຍ ວ່າ​ດ້ວຍ: ກຳມະບານ​ລາວ​ວາງ​ອອກ.
ສຶບຕໍ່​ຊຸກຍູ້​ການປະຕິບັດ​ຂໍ້​ແຂ່ງຂັນ 2 ດີ 5 ​ເປັນ​ເຈົ້າ​ທີ່​ສະຫະພັນ​ກຳມະບານ​ລາວ​ວາງ​ອອກ​ໃຫ້​ແຂງ​ແຮງ​ກວ່າ​ເກົ່າຕິດ​ພັນ​ກັບ​ຂະ​ບວນການ​ແຂ່ງຂັນ​ຮັກ​ຊາດ ​ແລະ ​ພັດທະນາ.
ຄະນະ​ສະຫະພັນ​ແຕ່ລະ​ຂັ້ນ​ຕ້ອງ​ຢຶດໝັ້ນ ​ແລະ​ ປະຕິບັດ​ໃຫ້​ຖືກຕ້ອງ​ກັບ​ແບບ​ແຜນ​ວິທີ​ເຮັດ​ວຽກຕາມຫຼັກການ​ລວມສູນປະຊາທິປະ​ໄຕ, ນຳ ພາ​ເປັນໝູ່ຄະນະ, ບຸກຄົນ​ຮັບຜິດຊອບ; ມີ​ລະບອບປະ​ຊຸມສ່ອງ​ແສງ​ລາຍ​ງານ​ເປັນ​ປົກກະຕິ, ກອງ​ປະຊຸມ​ຕ້ອງ​ມີ​ເນື້ອ​ໃນ​ຈະ​ແຈ້ງ, ມີ​ການ​ປຶກ ສາ​ຫາລື​ຢ່າງ​​ເປັນ​ປະຊາທິ​ປະ​ໄຕ ​ແລະ​ ມີ​ມະຕິ​ຮັບຮອງ​ຄັກ​ແນ່.
ຄະນະ​ສະຫະພັນ​ກຳມະບານ​ແຕ່ລະ​ຂັ້ນຕ້ອງ​ຮູ້​ຍາດ​ແຍ່ງ​ເອົາ​ການ​ຊີ້​ນຳໆພາ​ ຂອງ​ຄະນະ​ພັກ​ຂັ້ນ​ເທີ​ງຢ່າງ​ເປັນ​ປົກກະຕິ, ຮູ້​ຍາດ​ແຍ່ງ​ເອົາ​ການ​ຮ່ວມ​ມື​ຈາກ​ອຳນາດ​ການ​ປົກຄອງ, ຄະນະ​ອຳນວຍ​ການ​ວິ​ສາ​ຫະກິດ, ​ໂຮງຈັກ​ໂຮງງານ ​ແລະ​ ກົມ​ກອງ​ຕ່າງໆ ​ເພື່ອ​ສ້າງ​ເງື່ອນ​ໄຂ​ໃຫ້​ວຽກງານ​ກຳ ມະບານ​ໄດ້​ເຄື່ອນ​ໄຫວ​ເປັນ​ປົກກະຕິ ​ແລະ​ ຕໍ່​ເນື່ອງ. ພ້ອມ​ນັ້ນ; ກໍ່​ຕ້ອງ​ຮູ້​ຍາດ​ແຍ່ງ​ເອົາ​ກາ​ນຮ່ວມ​ມື​ຈາກ​ອົງການ​ຈັດ​ຕັ້ງ​ມະຫາຊົນ​ທີ່​ເປັນ​ພາຄີ ​ເພື່ອ​ເປັນ​ການ​ແລກປ່ຽນບົດຮຽນ​ເຊິ່ງກັນ​ ​ແລະ​ກັນ ​ໃນ​ການ​ປະຕິບັດໜ້າທີ່​ການ​ເມືອງ​ຂອງ​ຕົນ.
​ເອົາ​ໃຈ​ໃສ່​ສຶບຕໍ່​ພົວພັນ​ຮ່ວມ​ມື​ກັບ​ສະຫະພັນ​ກຳມະບານ​ຂອງ​ບັນດາ​ປະ​ເທດ​ເພື່ອນ​ມິດ, ອົງການ​ຈັດ​ຕັ້ງ​ສາກົນ ​ເພື່ອ​ຖອດ​ຖອນ​ບົດຮຽນ ​ແລະ​ ຍາດ​ແຍ່ງ​ການ​ຊ່ວຍ​ເຫຼືອ-ຮ່ວມ​ມືບົນຫຼັກການ​ເຄື່ອນ​ໄຫວ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດຮ່ວມ​ກັນ.
ກອງ​ປະຊຸມ​ຄັ້ງ​ນີ້​ ດຳ​ເນີນ​ໄປ​ໃຊ້​ເວລາ 2 ວັນ​ເຕັມ ​ແລະ​ໄດ້​ປິດ​ລົງ​ໃນ​ເວລາ 16:00 ​ໂມງ, ຂອງ​ວັນ​ທີ 6 ກຸມພາ 2015.